विद्यालय को बारेमा

सर्व प्रथम यस विद्यालयमा भर्ना भइ सुन्दर भविष्यको सपना देख्ने सम्पूर्ण  विद्यार्थीहरुमा पूर्ण सफलताको शुभकामना व्यक्त गर्दै उज्जवल भविष्यको कामना गर्दछु ।
प्रिय विद्यार्थीहरु तपाईहरु आज व्यक्तित्व निर्माणको प्रथम चरणमा हुनुहुन्छ । सही विद्यालय र सही विषयको छनोटले मात्र तपाईको बन्ने सपना पूरा हुन सक्छ । वि.सं. २००७ सालमा स्थापित त्रिभुवन माध्यमिक विद्यालयले विगतका वर्षहरुमा पनि गुणस्तरीय शिक्षा प्रदान गरिरहेको हुँदा वर्तमानमा पनि दक्ष शिक्षक-प्रशिक्षकहरु मार्फत तपाईहरुको लक्ष्य पुरा गर्न प्रतिबद्ध छौ ।
प्राविधिक जनशक्ति आजको मुख्य आवश्यकता हो । व्यक्तिगत जीवनस्तर अभिबृद्धि गर्न तथा समाज र देशको विकासमा प्राविधिक जनशक्तिको महत्वपूर्ण र मुख्य भूमिका रहन्छ । नेपाल सरकारको लक्ष्य अनुसार प्रत्येक स्थानीय तहमा प्राविधिक शिक्षालय स्थापना गरी सीपयुक्त जनशक्ति उत्पादनमा जोड दिइरहेको अवस्थामा यस त्रिभुवन माध्यमिक विद्यालयले पनि गरिब तथा जेहन्दार विद्यार्थीहरुको सहज र सरल पहुँचका निम्ति वि.सं. २०७६ सालबाट प्राविधिक शिक्षा तथा व्यवसायिक तालीम परिषदबाट सम्बन्धन लिई ३ वर्षे डिप्लोमा इन सिभिल ईन्जिनियरीङ कक्षा सञ्चालन गरिएको छ । दक्ष र अनुभवी प्रशिक्षक मार्फत प्रयोगात्मक र व्यवहारिक पक्षलाई जोड दिदै गुणस्तरीय शिक्षा प्रदान गर्नु नै हाम्रो प्रमुख लक्ष्य हुनेछ । तसर्थ आफ्ना बालबालिकालाई प्राविधिक शिक्षा प्रदान गरी सीपयुक्त नागरिक तयार गर्न तथा रोजगार उन्मूख बनाउन अभिभावकहरुमा अनुरोध गरिन्छ, साथै विद्यार्थीहरुलाई समेत यस शैक्षिक सस्थाले दिने शिक्षा मार्फत आफ्नो शैक्षिक रुपान्तरण गर्नुहुन अनुरोध गरिन्छ । अनुशासन, नैतिकता, व्यवहार कुशल सीप, विद्यार्थीको लक्ष्य र अभिभावकको चाहना पूरा गराउन निरन्तर समन्वय र सहकार्य गर्दै जाने छौँ । त्यसैले सम्पूर्ण विद्यार्थीहरुलाई यस विद्यालयमा डिप्लोमा इन सिभिल इन्जिनियरीङ (३ वर्षे) तथा कक्षा ११ मा साधरण धारतर्फका विषयहरुमा भर्ना भई अध्ययन गर्नुहुन हार्दिक स्वागत गरिन्छ ।